من طرف dody السبت أكتوبر 08, 2011 9:28 am
الحلقة الاولي
اميرة قاعدة ع السرير
اميرة (فى بالها) : ياااااااااااااا مر 14 سنة ع صحوبيتي انا وأية انا مش مصدقة نفسي بجد احلي ايام عشتها فى حياتي وانا معاها كانت ليا اقرب واحلي واغلي صديقة فى الكون عمري ما لقيت صديقة زيها عمري ما اديت سري لحد غيرها ... ايام الكي جي كانت احلي ايام اول لما اتعرفت عليها ..........
Play
اميرة بتفتكر زمان
اميرة وأية قاعدين جمب بعض فى اول سنة فى المدرسة وميعرفوش بعض
بنت : اديني البراية دي
أية : دى بتاعتي انا
بنت : لا دي بتاعت مامي الى جيبهالي
أية : والله بتاعتي انتى عايزة تاخدي منى البراية ليه
بنت : عشان دي برايتي
أية : لا انا قلتك مش بريتك دى بريتي انا
المدرسة : فى ايه يا بنانيت
أية (بعياط) : يا ميس يا ميس البنت دى عايزة تاخودي البراية بتاعتي وبتقول انها بتاعتها
بنت : لا البنت دى بتكدب يا ميس ... دى برايتي
اميرة (ببراءة) : يا ميس البنت دي (بتشاور ع البنت التانية مش أية) بتكدب .. لان البنت التانية (أية) كانت قاعدة لوحدها وكمان انا كنت شايفة البراية دى معاها من اول اليوم وطلعتها من شاطنتها
المدرسة : ماشي يا عسل ... بطلوا خناق بقى وانتى تعالي معايا
واخدت المدرسة البنت وماشيتها قعدتها فى مكان تانى
أية : شكرا
اميرة : العفو .. ع ايه
أية : انتى اسمك ايه
اميرة (بأبتسامة) : اميرة ... وانتى
أية : أية ... ممكن نكون اصحاب
اميرة : ماثي ... انا مش عارفة حد هنا
أية : ولا انا ... انتى عاندك اخوات
اميرة : لا ... وانتى
أية : انا عاندى اخ واحد اكبر مني
اميرة : اه .. انا هروح بقى ماما قالتلى استنيني تحت سلام
أية : سلام
Stop
اميرة (فى بالها) : ياااا كانت احلي ايـــ
ترن ترن ترن ترن (الموبيل)
اميرة : يوية حبيبتي
أية : ميرووووو .. عاملة ايه
اميرة : الحمد لله .. وحشتيني
أية : ايه يابت وحشتك ايه ده من كام ساعة كنى مع بعض
اميرة : يخربيت بكشك يا لمضة
أية : ههههههههه مبقاش يوية الا لما ابقى لمضة
اميرة : عاملة ايه يا قلبي
أية : الحمد لله تمام ... زى الفل اهو اومال بكلمك ازاى يعنى
اميرة : هههههههه ماشي يا معلمة
أية : ها مش هنخرج ولا ايه ... احنا اخدنا الاجازة من اسبوعين والنتيجة لسه مطلعتش و الجو خنقة وعايزة اخرج
اميرة : صحيح انتى فكرتيني بالنتيجة .... حسة ان روحي هتطلع خايفة موووووت
أية : ههههه يابنتى انتى معندكيش غير السيرة دي انا والله زهقت من النتيجة .. وبعدين يا معلمتي احنا بأذن الله من اعلي الدرجات بدون حسد يعني
اميرة : ههههه خمسة وخميسة يا يوية .... طب هنخرج فين ناو
أية : مش عارفة .... اقولك ايه رأيك ننزل نتمشي شوية
اميرة : ماشي يا حبيبتي ... هعدي عليكي
أية : اوكي ... يلا سلاتفاح
اميرة : هههههه لالالا مش بحب التفاح بحب الموز
أية : خلاص ماشي سلاموز
اميرة : هههههه سلام يا بكاشة
قفلت اميرة مع أية وخرجت عشان تتغدي
اميرة : صباح الخير يا رورو
(ريهام : مامت اميرة بتحبها اوى عشان هى وحديتها ست طيبة جدا باباها اتجوز واحدة تانية وعايش معاهم وبيسأل ع بنته كل فين وفين)
ريهام : صباح النور يا ميرو ... صح النوم
اميرة : هههههههه معلش اصلي سهرت مع يوية ع النت امبارح
ريهام : مش قلتلك يا اميرة بلاش نت كتير عشان عينك
اميرة : معلش يا ماما (باستها) مش هعمل كده تانى
ريهام : ماشي يا حبيبتي ... احضر الغدا بقى عشان نتغدي سوي
اميرة : اوكي يا ماما .... انا هتغدي وهنزل اروح للاية عشان نتمشي شوية لحسن زهقنا اوى
ريهام : ماشي يا ميرو ... روحى خودي شاور عقبال لما احوط الاكل ع السفرة عشان فى موضوع عيزاكي فيه
اميرة : حاضر يا ماما
دخلت اميرة اخدت الشاور بتعها وراحت ع السفرة لقيتها جاهزة
اميرة : ايه ده ايه ده هو احنا عندنا ضيوف ولا ايه
ريهام : ههههههه ليه بتقولي كده
اميرة : عشان الاكل كتير مشاء الله
ريهام : لا يا حبيبتي مفيش ضيوف ولا حاجة ده عشان تاكلي كده انا شيفاكي خسة اوى اليومين دول
اميرة : انا خسة ... ده انا شوية والهدوم هتفرقع يا ماما
ريهام : ههههههه لا والله انتى خسة اوى ... حتي بصي لنفسك فى المراية هتعرفي
اميرة : ممممممم مش عارفة الى انتى شيفاه بقى
ريهام : طب يلا نقعد ناكل
اميرة : ماشي
وقعدوا ياكلوا
اميرة : ايه بقى الموضوع الى عيزاني فيه
ريهام : باباكي
اميرة (بخوف) : ماله ... حصله حاجة ؟؟؟؟
ريهام : لالا يا حبيبتي هو بخير
اميرة : اومال فى ايه يا ماما متقلقنيش
ريهام : بصي هو عايزك تروحي تقعدي عانده شهر
اميرة : نعم ؟؟؟ .... من امتى وانا بروح عانده اساسا
ريهام : مش عارفة بقى يا اميرة هو كالمنى وقالى كده
اميرة : لا يا ماما مش هروح فى حته وقوليلوه الكلام ده
ريهام : طب ما تكلميه انتى يا اميرة
اميرة : لا يا ماما مش هكلم حد حضرتك هتقوليلوه الكلام ده وخلاص
ريهام : اميرة انا مش عايزة اخش فى مشاكل مع ابوكي
اميرة : وايه المشاكل فى كده
ريهام : ابوكي عايزك عانده ولو رفضتي هيتخانق معايا انا
اميرة : ماشي يا ماما لما ارجع من بره ابقى اتكلم معاه
ريهام : طيب يا اميرة ... اقعدي كملي اكلك طيب
اميرة : لا يا ماما شكرا انا هقوم اللبس
ريهام : يا حبيبتي انتى ماكلتيش حاجة اقعدي بس كلي
اميرة : هنبقى ناكل انا وأية فى الطريق
ريهام : براحتك يا اميرة
اميرة : عن اذنك
ريهام (فى بالها) : يارتنى ما قلتلك يا اميرة اعمل ايه بس انا تعبت خلاص والله يارب اقف جمبي
لبست اميرة ونزلت علطول ع بيت أية
تك تك تك تك (الباب)
يوسف : اميرة ...
(يوسف : اخو أية الكبير فى كلية شرطة هادي جدا بس بيحب يرخم ع أية)
اميرة (بصة للارض) : أية موجوده
يوسف (بأبتسامة) : اه موجوده اتفضلي
أية : ميروووووووو ... اوعى يا يوسف من هنا
يوسف : ايوة بقى يا ست أية من لقي احبابه نسي اصحابه
أية : خش يلا جوه بدل ما اجي اعورك
يوسف : يامة .... نفسي اعرف يا اميرة مصاحبة البت دى ازاى دى بلطجية
اميرة : هههههههه ماهي عشان بلطجية انا مصحباها بتنفع فى وقت الزنقة
يوسف : ههههههههههه ايوة بقى يا جامده
أية : شكلي هشرحك انت وهى دلوقتي ... خشي يا ولية استنيني فى اوضتي عبال لما اشرح الولا ده
اميرة : هههههه انتى قلبتي صعيدية امتي
يوسف : دى مجنونة يا ميرو
ودخلت اميرة اوضة أية وهى سرحانة
اميرة (فى بالها) : ازاى يقولي يا ميرو هو فاكرني بلعب معاه فى الشارع من امتى يعنى وهو بيقولي كده
أية : ايه الى واخد عقلك يا جميل
اميرة (بأرتباك) : انا لالالا خالص
أية : هو الولا يوسف ضيقك
اميرة (بكسوف) : لالا ده انسان طيب
أية : خلاص يا ستوتة متتكسفيش اوى كده يلا يا معلمة عشان ننزل
اميرة : يلا
يا تري ايه الى هيحصل لما يخرجوا ؟؟
وابو اميرة هيعمل ايه معاها ؟؟
_______________
الحلقة الجاية